Publicacións

LETRAS GALEGAS 2.019

Imaxe
Este ano dedícase o Día das Letras Galegas a Antonio Fraguas Fraguas. Se queredes saber moitas cousas sobre el, picade no seu retrato e poderedes ler a súa biografía, facer actividades... Nós fixemos no cole unha festa para homenaxear a Antonio Fraguas, facendo unha chea de actividades que estamos seguras de que lle farían moitísima ilusión, pois era un home que , ademais de ser profesor, traballaba para que o galego estivera presente no noso día a día, e que non se perdese.  Por este motivo, o día 7 de maio viñeron ao noso cole uns músicos que nos ensinaron cancións das de antes (ademais doutras máis modernas, por suposto). O día 15 de maio recibimos a Héctor Cajaraville, co seu libro Kusuma, gañador do Premio Merlín de Literatura infantil e Xuvenil. Nós lemos o libro durante varios meses, traballando as expresións e vocabulario en galego, para que realmente as Letras Galegas as gocemos durante todo o ano. Tamén lemos moitos  outros libros que

ACTUACIÓN NO COLE. LETRAS GALEGAS

Imaxe
Como dentro duns días celebraremos a festa das LETRAS GALEGAS, adiantámonos un pouquiño e xa empezamos o día 7 de Maio coa primeira festa. Mero Iglesias e Pakolas viñeron ao noso cole, e con eles cantamos un montón de cancións divertidas. Pasámolo moi ben. Cantamos e bailamos..., aínda que o son non sexa espléndido, desfrutamos co Xabarín.

DÍA DE ROSALÍA

Imaxe
O día 24 de Febreiro celebramos no  o aniversario de Rosalía de Castro. Entre todos e todas as nenas fixemos un traballo plástico que agora decora o noso cole. O traballo fixémolo a partir da biografía e os debuxos de Helena Villar Janeiro e Ánxeles Ferrer. Para ese día tamén preparamos poemas de Rosalía, e cantamos no patio unha canción de Uxía, recollida no seu libro Rosalía Pequeniña. Foi un día moi especial. Estas son algunhas imaxes da decoración e poemas que decoran corredores, entrada e escaleira do cole.

MULLERES E CIENCIA

Imaxe
Clica nesta fotografía de mulleres científicas galegas. Canto sabes sobre elas? Esta é Begoña Vila. Clica na súa foto para saber quen é e o que fai E nesta páxina de La Voz de Galicia hai nomes tamén coñecidos: E un periodista chamado Marcos Pérez Pena decidiu elexir doce mulleres científicas e facer esta publicación:

DÍA DA PAZ

Imaxe
Este ano, o día da Paz construímos entre todos os nenos e nenas do cole a "Pirámide da Paz" Cada clase fixemos unha frase que unida coa dos demais compañeiros e compañeiras deu lugar a esta pirámide. Fixemos tamen unha representación de cada un de nós e colocamos a figura que nos representa como un elo dunha cadea, que leva ata a pirámide todos os nosos desexos de PAZ: C Con motivo do día da Paz, decidimos facer nosas algunhas das frases ditas por persoas que recibiron o Premio Nobel da Paz. Fixemos uns traballos que están expostos polos corredores, e tamén gravamos un pequeno vídeo:

SAMAÍN

Imaxe
Como todos os anos celebramos no cole a festa do Samaín. Este ano fixemos adornos arrepiantes polos corredores, as portas das aulas, os taboleiros... Como a proposta desde o PDI da Biblioteca era a temática de Exipto, decidimos facer moitas momias, seres fantásticos, esqueletos, sarcófagos.... todo o que tivese algo que ver coa cultura exipcia.  Tamén baleiramos cabazas que deixamos ao longo dos pasillos. Como xa é tradicional no cole, saímos todos ao patio e cantamos e bailamos coa canción de Samaín de Mamá Cabra (incluídas as profes e os profes). Pasámolo fenomenal.  Contáronnos contos de medo, aquí uhna pequena mostra: Unhas compañeiras e compañeiros de sexto representaron unha obra de teatro escrita e dirixida por elas mesmas. Era unha obra de " moito medo ". E ademais, como todos os anos houbo un delicioso concurso de postres horripilantes, con premios ao mellor sabor e á mellor presentación.